<Dialect:Leeg>
picture\other\TonemesSoundSame.jpg
Nuov yog has txug 15 nkawm yub hab 30 tug keeb kws muoj 1 nkawm ntawm 450 lub suob nrov tuobYaam yogTas yug muob 1 nkawm yub sau nrug 1 tug keeb.

RawsLe cov ntawv nyob nrug dlaim dluob nuov, peb cov lug Moob muoj 6,615 lub suob. TuobSis qhov tseeb cov suob muoj 6,165 xwb vim tas txhuo nkawm ntawm 450 lub suob nrov tuobYaam.

15 nkawm yub kws xaus ruo tug cim suob "s" hab "g":
aas, aag
as, ag
ais, aig
aus, aug
aws, awg
es, eg
ees, eeg
is, ig
ias, iag
os, og
oos, oog
uas, uag
uos, uog
us, ug
ws, wg

30 tug keeb kws muob sau nrug 15 nkawm yub:
ch, dh, dlh, f, h, hl, hm, hml, hn, hny, kh, nch, nkh, nph, nplh, nqh, nrh, nth, ntsh, ntxh, ph, plh, qh, rh, s, th, tsh, txh, x, xy

Cov lug huv qaab nuov muoj tej lu tau txhobTxwm sau nrug tug cim suob "g".
PivTxwv:
Chaws nrov le chawg:  Kuv nyob tebChaws USA.
Faus nrov le faug: Kuv faus teb zaub.
Hlais nrov le hlaig: Kuv siv raab lag lug hlais nplej. 
Khaws nrov le khawg: Kuv khaws tau 1 pob nyaj tom kev.
Nthos nrov le nthog: Kuv nthos nkaus pob khoom lug ruo kuv lub xubNdlag.
Ntshuos nrov le ntshuog: 1 ntshuos ntawv dlawb.
Ntxhais nrov li ntxhaig: Nws yog 1 tug ntxhaig nkaujXwb.
Phaws nrov li phawg: Tug phawg nyuj.
Qhws nrov le qhwg: Lub qhws yog lub hwjKais.
Rhais nrov le rhaig: Muob lub paaj rhais ruo ntawm cov plaubHau.
Sis nrov li sig: Lawv hais tias kuv lub suab sis heev es lawv tsis toTaub.
Tshis nrov le tshig: Tug tshis puos yog tug mesEs?
Txhaus nrov le txhaug: Nyob dleb txhaus dlej hab txhaus cawv; nyob ze rhu suovTawg hlawv.
Xis nrov li xig:  Koj puas xis txiv tsawb?
Xyuas nrov li xyuag: 1 tug phoojYwg tuaj xyuas kuv.

Naj nub nuov, peb tsi paub meej tas yuov sau le caag haLe yog vim tsi muoj qauv.
RawsLe tau pum hab muob piv ruo lwm cov suob, tes suovDlawg tau siv tug cim suob "s" ntau dluo le tug cim suob "g".
DluoLe, yog muob piv ruo lug Moob Leeg hab lug Moob Dlawb, tes lug Moob Leeg  muoj cov suob xaus ruo tug cim suob "g" ntau dluo tug cim suob "s".
