<Speed:1.0> <Pitch:.95> <Dialect:Leeg>
KeebKwm Ntawv Moob LasTees
Ntawm nuov yog has txug cov ntawv Moob tau tsim tawm lug ntawm cov ntawv LasTees (RPA).

Moob tsi muoj ntawv siv; yog le ntawd, txiv plig NyajPov nrug 2 tug ntovTawj haLe tau muob cov ntawv LasTees lug tsim pib xyoo 1952 txug xyoo 1953.

RawsLe kev tshawb pum nyob ruo huv internet, thau u lug txug taamSim nuov, ntawv Moob muoj 24 hom, tuobSis cov ntawv LasTees yog cov suovDlawg siv feem coob.

Cov ntawv LasTees muoj 26 tug. DluoLe ntawd, cov ntawv nuov muoj ob hom xwsLe cov miv hab cov luj.
Ntawv Moob kuj siv ob hom tuobSi hab.

Cov yub pib muoj 15 tug xwsLe: A, aa, ai, au, aw, e, ee, i, ia, o, oo, u, ua, uo, w

Vim cov suob yub tsi txaus, tes haLe muob ib cov tsaj ntawv lug ntxiv, hab cov nuov hu uo cov cim.
Cov cim muoj xwsLe:   b, g, j, m, s, v

Cov yub muoj taagNrho 105 lub suob xwsLe:
A, Ab, Ag, Aj, Am, As, Av
Aa, Aab, Aag, Aaj, Aam, Aas, Aav
Ai, Aib, Aig, Aij, Aim, Ais, Aiv
Au, Aub, Aug, Auj, Aum, Aus, Auv
Aw, Awb, Awg, Awj, Awm, Aws, Awv
E, Eb, Eg, Ej, Em, Es, Ev
Ee, Eeb, Eeg, Eej, Eem, Ees, Eev
I, Ib, Ig, Ij, Im, Is, Iv
Ia, Iab, Iag, Iaj, Iam, Ias, Iav
O, Ob, Og, Oj, Om, Os, Ov
Oo, Oob, Oog, Ooj, Oom, Oos, Oov
U, Ub, Ug, Uj, Um, Us, Uv
Ua, Uab, Uag, Uaj, Uam, Uas, Uav
Uo, Uob, Uog, Uoj, Uom, Uos, Uov
W, Wb, Wg, Wj, Wm, Ws, Wv

Cov keeb muoj 62 tug. Vim cov ntawv LasTees muoj suob tsi txaus, tes ntawv Moob txha muoj cov keeb kws muoj 1 tug ntawv moog txug 4 tug lug koom uo ib tug ntawv Moob.
Cov keeb muoj rawsLe nraag nuov:
C, Ch, D, Dh, Dl, Dlh, F, G, H, Hl
Hm, Hml, Hn, Hny, *Hv, K, Kh, L, M, Ml, N
Nc, Nch, Ndl, Ndlh, Nk, Nkh, Np, Nph, Npl, Nplh
Nq, Nqh, Nr, Nrh, Nt, Nth, Nts, Ntsh, Ntx, Ntxh
Ny, P, Ph, Pl, Plh, Q, Qh, R, Rh, S
T, Th, Ts, Tsh, Tx, Txh, V, X, Xy, Y, Z

*Hv yog 1 tug tsim tshab lug ntawm xibFwb Nyiaj Lis Thoj vim muoj tsi txaus. Tsi paub tseeb tas yaav tom ntej nuov moog puos muoj lwm leej ho tsim tug zoo le caag ntxiv. Vim peb muoj cov lug has xwsLe: Ntuj hvos, ntuj hvaw; uo le hvos

Peb sau ntawv le caag?
Sau tug keeb uo ntej, tes maam sau tug yub lawv qaab xwsLe:
K + uv = Kuv
P + eb = Peb

Cov zauv losSis lug LosTsuos hu uo leb muoj le nraag nuov:
0, 1, 2, 3, 4, 5, 6, 7, 8, 9

Cov ntawv kws muoj ruo Moob Dlawb, tuobSis tsi muoj ruo Moob Leeg.
Cov keeb: d, dh, hm, hml, hn, hny
Cov yub: ia, iab, iag, iaj, iam, ias, iav, ua, uab, uag, uaj, uam, uas, uav

Cov ntawv kws muoj ruo Moob Leeg, tuobSis tsi muoj ruo Moob Dlawb.
Cov keeb: dl, dlh, ndl, ndlh
Cov yub: aa, aab, aag, aaj, aam, aas, aav, uo, uob, uog, uoj, uom, uos, uov

Lug Moob
Lug Moob yog ib hom lug kws luos lwm haiv tuobNeeg tau muob tisNpe hu uo lug suob. Lug Moob muoj ntau dluo le 6,615 lub suob, ntxiv ruo "oib, prwv, thoib".
Yog yug has lub suob txawv ruo ib lu lug twg, tes lu ntawd txhais txawv lawm.

Lug Moob muoj tej lu muoj 1 lub suob, 2 lub, 3 lub, hab ntau lub suob, pivTxwv le huv qaab nuov.
1 lub suob:  koj, kuv, haus, noj, lug, moog
2 lub suob:  KaavLam, loojKoov, tswvYim, yoojYim
3 lub suob:  LaumKisTshooj, LaumFuobXeeb

Kev hasLug xwb mas yoojYim, tuobSis kev sau ntawv mas tsis yoojYim ruo cov lug kws muoj ntau lub suob.  Yog yug tsis muob sau sis lu uoKe, tes lu lug ntawd txhais txawv lawm. 

Cais Hom
Lug Moob muoj cov cais hom ntau tug. Peb siv cov cais hom uo ntej, tes maamLe siv cov npe lawv qaab.
Nuov yog cov cais hom tug puov:  Caaj, caj, daim, dlaim, hom, leej, txoj, txuj
PivTxwv txug kev sau:  Caaj roob, caj roob; daim ntawv, dlaim ntawv; hom xyoob; leej txiv; txoj hlua, txuj hluo

Sib/Sis
Lu sib yog lug Moob Dlawb, siv uo ntej ntawm ib lu lug yog has txug cov ntawd uo tej hom uoKe losSis uo pauj.
Lu sis yog lug Moob Leeg, siv uo ntej ntawm ib lu lug yog has txug cov ntawd uo tej hom uoKe losSis uo pauj.
Cov lug kws muoj lu sib/sis nuov mas muoj ntau, pivTxwv: Sib hlub, sis hlub, sib nyiam, sis nyam, sib sau, sis sau
Vim tsis muoj qauv, taamSim nuov, muoj tej tug tuobNeeg sau sis/sib sis txuos uoKe xwsLe 'sibHlub' losSis 'sisHlub', tuobSis ho muoj lwm tug sau sis nrug xwsLe 'sis hlub' losSis 'sis hlub'.
