<Speed:1.0> <Pitch:1.15> <Dialect:Leeg>
<Dialect:Dawb>
KeebKwm Ntawv HMoob LasTees
Ntawm no yog hais txog cov ntawv Hmoob tau tsim tawm los ntawm cov ntawv LasTees (RPA).

Hmoob tsis muaj ntawv siv; yog li ntawd, txiv plig NyiajPov nrog 2 tus ntovTawj thiaj tau muab cov ntawv LasTees los tsim pib xyoo 1952 txog xyoo 1953.

RawsLi kev tshawb pom, thaum ub los txog tamSim no, ntawv Hmoob muaj 24 hom, tiamSis cov ntawv LasTees yog cov sawvDaws siv feem coob.

Cov ntawv LasTees muaj 26 tus. DuaLi ntawd, cov ntawv no muaj 2 hom xwsLi cov me thiab cov loj.
Ntawv Hmoob kuj siv 2 hom tibSi thiab.

Cov yub pib muaj 15 tus xwsLi: A, aa, ai, au, aw, e, ee, i, ia, o, oo, u, ua, uo, w

Vim cov suab yub tsis txaus thiaj muab 1 cov tsiaj ntawv los ntxiv, thiab cov no hu ua cov cim.
Cov cim muaj xwsLi:   b, g, j, m, s, v

Cov yub muaj tasNrho 105 lub suab xwsLi:
A, Ab, Ag, Aj, Am, As, Av
Aa, Aab, Aag, Aaj, Aam, Aas, Aav
Ai, Aib, Aig, Aij, Aim, Ais, Aiv
Au, Aub, Aug, Auj, Aum, Aus, Auv
Aw, Awb, Awg, Awj, Awm, Aws, Awv
E, Eb, Eg, Ej, Em, Es, Ev
Ee, Eeb, Eeg, Eej, Eem, Ees, Eev
I, Ib, Ig, Ij, Im, Is, Iv
Ia, Iab, Iag, Iaj, Iam, Ias, Iav
O, Ob, Og, Oj, Om, Os, Ov
Oo, Oob, Oog, Ooj, Oom, Oos, Oov
U, Ub, Ug, Uj, Um, Us, Uv
Ua, Uab, Uag, Uaj, Uam, Uas, Uav
Uo, Uob, Uog, Uoj, Uom, Uos, Uov
W, Wb, Wg, Wj, Wm, Ws, Wv

TasNrho cov keeb rau Hmoob Dawb thiab Hmoob Lees muaj 62 tus. Vim cov ntawv LasTees muaj suab tsis txaus, ces ntawv Hmoob thiaj muaj cov keeb uas muaj 1 tus ntawv mus txog 4 tus los koom ua 1 tus ntawv Hmoob.
Cov keeb muaj rawsLi nram no:
C, Ch, D, Dh, Dl, Dlh, F, G, H, Hl
Hm, Hml, Hn, Hny, *Hv, K, Kh, L, M, Ml, N
Nc, Nch, Ndl, Ndlh, Nk, Nkh, Np, Nph, Npl, Nplh
Nq, Nqh, Nr, Nrh, Nt, Nth, Nts, Ntsh, Ntx, Ntxh
Ny, P, Ph, Pl, Plh, Q, Qh, R, Rh, S
T, Th, Ts, Tsh, Tx, Txh, V, X, Xy, Y, Z

*Hv yog 1 tus tsim tshiab los ntawm Jay Xiong uas yog tus tswv ntawm phoo ntawv Hmong Dictionary vim muaj tsi txaus. Tsi paub tseeb tias yav tom ntej nov mus puas muaj lwm leej ho tsim tus zoo li cas ntxiv. Vim peb muaj cov lus hais xwsLe: Ntuj hvos, ntuj hvaw; ua li hvos

Peb sau ntawv li cas?
Sau tus keeb ua ntej, ces mam sau tus yub lawv qab xwsLi:
K + uv = Kuv
P + eb = Peb

Cov zauv losSis lus LosTsuas hu ua leb muaj li nram no:
0, 1, 2, 3, 4, 5, 6, 7, 8, 9

Cov ntawv uas muaj rau Hmoob Dawb, tiamSis tsi muaj rau Hmoob Lees.
Cov keeb: d, dh, hm, hml, hn, hny
Cov yub: ia, iab, iag, iaj, iam, ias, iav, ua, uab, uag, uaj, uam, uas, uav

Cov ntawv uas muaj rau Hmoob Lees, tiamSis tsi muaj rau Hmoob Dawb.
Cov keeb: dl, dlh, ndl, ndlh
Cov yub: aa, aab, aag, aaj, aam, aas, aav, uo, uob, uog, uoj, uom, uos, uov

Lus Hmoob
Lus Hmoob yog 1 hom lus uas luag lwm haiv neeg tau muab tisNpe hu ua lus suab. Lus Moob muaj tasNrho 6,615 lub suab, ntxiv rau "oib, prwv, thoib".
Yog yus hais lub suab txawv rau 1 lo lus twg, ces lo ntawd txhais txawv lawm.

Lus Hmoob muaj tej lo muaj 1 lub suab, 2 lub, 3 lub, thiab ntau lub suab, pivTxwv li hauv qab no.
1 lub suab:  koj, kuv, haus, noj, lug, moog
2 lub suab:  KavLiam, loojKoov, tswvYim, yoojYim
3 lub suab:  LaumKisTshooj, laumFuabXeeb

Kev hais lug xwb mas yoojYim, tiamSis kev sau ntawv mas tsis yoojYim rau cov lus uas muaj ntau lub suab.  Yog yus tsis muab sau sib lo uaKe, ces lo lus ntawd txhais txawv lawm. 

Cais Hom
Lus Hmoob muaj cov cais hom ntau. Peb siv cov cais hom ua ntej, ces mamLi siv cov npe lawv qab.
No yog cov cais hom tus puav:  Caaj, caj, daim, dlaim, hom, leej, txoj, txuj
PivTxwv txog kev sau:  Caaj roob, caj roob; daim ntawv, dlaim ntawv; hom xyoob; leej txiv; txoj hlua, txuj hlua

Sib/Sis
Lo sib, lus Hmoob Dawb, siv ua ntej ntawm 1 lo lus yog hais txog cov ntawd ua tej hom uaKe losSis ua pauj.
Lo sis, lus Hmoob Lees, siv ua ntej ntawm 1 lo lus yog hais txog cov ntawd ua tej hom uaKe losSis ua pauj.
Cov lus uas muaj lo sib/sis no mas kuj muaj ntau, pivTxwv: Sib hlub, sis hlub, sib nyiam, sis nam, sib sau, sis sau
Vim tsis muaj qauv, tamSim no, muaj tej tus neeg sau sis/sib sib txuas uaKe xwsLi 'sibHlub' losSis 'sisHlub', tiamSis ho muaj lwm tus sau sib nrug xwsLi 'sib hlub' losSis 'sib hlub'.
