<Dialect:leeg> <pitch:0.95> <speed:1.0>
PaajLug

PaajLug yog ib cov lug qha ruo tuobNeeg xaav hab uo neej.
Cov lug nuov has tsi noj nkaub hab tsi tuov npe sub hale tsi sab hab txhum leej twg.

Muoj tswvYim puv plaab
Tsi cuog muoj nyajTxag puv txhaab
Muoj tswvYim puv cev
Tsi cuog muoj nyajTxag puv tsev

Muoj nyajTxag puv naab
Tsi cuog muoj tswvYim puv plaab
Muoj nyajTxag puv sev
Tsi cuog muoj tswvYim puv cev

Uo laagLuom tes zoo thawj ntsug
Uo txwjNkawm tes zoo thawj tug

Noj nceb yuov tau taug caav
Nrhav txwjNkawm yuov tau xaiv neej xaiv tsaav

Uo txwjNkawm yuov tau uo sab ntev
Hale yuov muoj nyajTxag hab tubKi puv tsev

Uo txwjNkawm yuov xyum uo qhov zoo
Hale yuov nrug luos muoj koob nto moo

Uo qoob laag qoob lig tes yuov uo npluog
Uo txwjNkawm lig tes yuov muoj tubKi ntsuog

Tu qab ntsuog tes tau ncejPuob
Tu mivNyuos ntsuog tes tau yeebNcuob

Thaum muoj txwjNkawm tes saib nwg tsi tsim txaj
Thaum tsi muoj lawm tes yuov ncu thawm naj
Thaum muoj txwjNkawm tes saib nwg tsi zoo
Thaum tsi muoj lawm tes yuov ncu thawm xyoo

Nqaj qab nyob chaw sab
Nqaj ntseg nyob nruob dleg

Xyum nquog tes yuov xyum ibTxhig
Xyum nkeeg tes siv le peb taagKig

Nquog tes ntauj quos khuov
Nkeeg tes tsuom luv dluov

Txawj has tes yuov dlaws tau lwm tug txuj kev npau
Tsi txawj has tes yuov uo ruo lwm tug tawv le hlau

Paab tug npluoNuj tes nwg ncu yug peb taagKig
Paab tug txomNyem tes nwg ncu yug ibTxhig

Xaav muoj tsi xaav pluog
Xaav caj tsi xaav tuog

Tug ntse has tas nwg zoo tsi txaus
Tug npeeb has tas nwg zoo kawgNkaus

Ntse uoTxuj ruom tsi maag luos thuom
Ruom tsaab ntse maag luos nthe

Nyob dleb tes txhaus dlej txhaus cawv
Nyob ze tes rhu suovTawg hlawv

Thaus luos tsaaj tes yug tsi nrug luos tsaaj
Thaus luos tau noj tes yug uo dlev nuomYaaj

Nquog tes yuov tsi tshaibPlaab
Nkeeg tes yuov uo tubSaab

Uo zoo tes luos qhuos hab xwv
Uo phem tes luos thuom hab hu yug uo dlev lamTxwv

Tug tsheejHaaj naav rigTsho ndluog le nwg pluog
Tug lamTxwv naav tshab kuos luos qhuos

PlaubNtug miv tsi xob muob uo luj
PlaubNtug luj tsi xob muob uo txij ntuj
PlaubNtug luj tes muob uo kuos yau
PlaubNtug yau tes muob uo kuos luoj txuj plaubHau
---
Jay Xiong (hmong dictionary)

Tug ntse has txug kev kawm ntawv
Tug ruom has txug kev qaug cawv

Yuov pujNtsuog yawmNtsuog tau kev hlub
Yuov nkaujFaa nraugFaav tau kev ntxub
---

Ntxoov L Vaaj

Tus tibNeeg pheej xav noj yeeb noj tshuoj dai tuog.
Yuov uo lubNeej pluog vim nws pheej xav txog kev tuog.
Yuov uo lubNeej txom nyem vim nws pheej xav txog kev phem.
---

PaajLug LosTsuos

Nov 10 leej has tsi cuog le 10 leej pum
10 leej pum tsi cuog le yug ob txhais teg coj lug ruo yug lub qhov ncauj tum

PaajLug FaabKis

Ib qho ntxiv ib qho
Tug noog uo tau nwg lub zeg tav hlo
MivNtsiv txhab mivNtsiv
Tug noog uo tau nwg lub zeg lug siv

Kawg nuov kuv thov muoj lug uo tsaug kws mej tau siv lub sijHawm saib hab noog.
Peb maam sis ntsib dluo lwm zag.
